मिथिलाक युगपुरुष लक्ष्मीनाथ गोसांइ बाबाक जयन्ती पर दौड़ प्रतियोगिता तथा सद्भावना रथयात्रा

Pin It

बनगाँव, सहरसा। नवम्बर २३, २०१७. मैथिली जिन्दाबाद!!

रथयात्रा मे पर्यन्त सहभागी यात्री ‘कुमुदानन्द झा’ केर मैथिली जिन्दाबाद लेल विशेष रिपोर्ट

बनगाँव सँ परसरमा बाबाजी कुटी तक निकलल भव्य ‘गोस्वामी लक्ष्मीनाथ सरबा सदभावना यात्रा’

गोस्वामी लक्ष्मीनाथ सेवा मिशन सहरसा द्वारा आयोजित द्विदिवसीय गोस्वामी लक्ष्मीनाथ महोत्सव आइ सरबा सदभावना यात्राक संग सम्पन्न भेल। ई महोत्सव 2016 सँ गोस्वामी लक्ष्मीनाथ बाबाजीक अवतरण दिवस पर विवाह पंचमी कय लक्ष्मीनाथ सेवा मिशन सहरसा द्वारा मनाओल जाइत अछि। एकर मूल उद्देश्य बाबाजीक महिमा केँ अत्यधिक प्रचार-प्रसार आ समाजक युवा वर्ग केँ बाबाजीक अनुपम संदेश सँ परिचित करेबाक अलावे गोस्वामी लक्ष्मीनाथ कन्या विवाह योजना तथा सामूहिक उपनयन संस्कार लेल सेहो प्रचार-प्रसार छल।
महोत्सवक प्रथम दिन सदभावना दौड़ जे बनगाँव बाबाजी कुटी होयत चैनपुर सॅ पड़रीक मार्ग होएत पुनः बाबाजीक कुटी बनगाँव पहुँचल। एहि कार्यक्रमक मुख्य अतिथि विश्व बैंक केर वरीय निदेशक श्री सरोज झा छलाह। अपन संबोधन में मिथिला मे दहेज़ मुक्त विवाह आ युवा वर्ग केँ बाबाजीक सन्देश आदर्श मानव जीवन तथा भविष्य बनेबाक प्रेरणा भेटबाक बात पर जोर देलनि। ओ कहलखिन जे समाजक कार्य मे सहभागिता सँ सभक संग आ सभक विकास अवश्यम्भावी होयत।
मुख्य अतिथि विश्व बैंक केर वरीय निदेशक श्री सरोज झा द्वारा सद्भावना दौड़ केँ पूरा कयनिहार प्रथम दस सफल प्रतिभागी लेल एक वर्षक अध्ययनक खर्च सेवा मिशनक माध्यम उपलब्ध करेबाक घोषणा कयलन्हि। एहेन ठोस योगदानक भरपूर प्रशंसा चारूकातक लोक द्वारा कयल जा रहल अछि। समाज मे उच्च पद पर आसीन व्यक्तित्वक एहने योगदान सँ मिथिलाक पुनर्ऊद्धार संभव होयत ई प्रतिक्रिया गामक बड़-बुजुर्ग दैत देखेलाह।
महोत्सवक दोसर दिवस बाबाजी कुटी बनगाँव सँ सरबा सद्भावना यात्रा निकलल। यात्राक रथ केँ पूर्व विधायक तथा गामक सपुत डॉ आलोक रंजन एवम् सहरसाक डीएसपी प्रभाकर तिवारीजी सहित मिशनक प्रवक्ता आचार्य कुमुदानन्द झा प्रियवर संयुक्त रूप सँ बाबाजीक झंडा देखा कय विदा केलनि। ई रथ बाबाजी कुटी बनगाँव सँ मत्स्यगंधा सहरसा कुटी होयत परसरमा कुटी तक भव्य रूप मे निकलल।
 
एहि यात्रा मे ब्राह्मण महासभाक सहरसा जिलाध्यक्ष रमण झा, शैलेश झा, राहुल, बिल्टू, राहुल झा बनगाँव, भरत झा, सोनू संगम, विवेक, विशाल, मुखियाद्वय बनगाँव धनञ्जय झा तथा विनोद प्रसाद झा आदि उपस्थित रहैथ।
पूर्वक लेख
बादक लेख

Leave a Reply

Your email address will not be published. Required fields are marked *

8 + 1 =