साहित्यिकी द्वारा लौफा मे साहित्यिक कार्यक्रम

लौफा, मधुबनी। अप्रैल ११, २०१६. मैथिली जिन्दाबाद!!

साहित्यिकी सरिसवपाहीक अप्रैल महीनाक मासिक बैसार एहि बेर लौफा गाम मे काल्हि १० अप्रैल केँ आयोजित कैल गेल। 
sahityiki laufa2डॉ श्रीपति सिंह केर अध्यक्षता आ डॉ शांतिनाथ सिंह ठाकुर द्वारा संचालित एहि बैसार केर मुख्य अतिथि मैथिलीक वरिष्ठ साहित्यकार रामलोचन ठाकुर छलाह। एहि बैसार मे आरो बहुत रास दिग्गज स्रष्टा लोकनिक सहभागिता छल। कथाकार अशोक, डॉ रामानंद झा रमन,  डॉ शिवशंकर श्रीनिवास, अमरनाथ झा, अजित आज़ाद, मलयनाथ मंडन, अमल झा, लालदेव कामत, दीनानाथ कामत, जगदीश मंडल, डॉ देवकांत मिश्र, विमलकांत दास, आनंद मोहन झा, आनंद कुमार झा आदि केर उपस्थिति मुख्य रूप सँ रहल एहि बैसार मे।
साहित्यिकी मे कविता पाठ प्रमुख छल। एकटा खास सीमा – यथा नवटोल, सर्वसीमा, सरिसोपाही, बिट्टो, ईशहपुर आ जमुथरि आदि मे एकर आयोजन बहुत पहिने सँ होएत आबि रहल अछि। ई बैसार एहि सीमा केँ विस्तार दैत लौफा मे आयोजित कैल गेल। एकर ऐगला आयोजन नवटोल मे डॉ जगदीश मिश्र जीक संयोजन मे कैल जेबाक निर्णय लेल गेल।
पूर्वक लेख
बादक लेख

Leave a Reply

Your email address will not be published. Required fields are marked *

7 + 8 =